Connect with us

Hi, what are you looking for?

Literary Pieces

Ikaw ay isang bahaghari

Evangeline Grace writes about being part of the rainbow life, stressing “kung pinagtatawanan ka ng mundo, Dahil hindi ka lang basta bughaw at kulay rosas, Itaas mo lang ang iyong noo… Dahil lahat ng bahaghari ay matatagpuan sa langit.”

Ni Evangeline Grace

Ikaw ay isang bahaghari.

Hindi sinasabi rito
Kung ano ang nasa pagitan
Ng iyong mga hita
O kung gaano katangkad
O kaliit ang umbok
Sa iyong dibdib.

Hindi hinuhusgahan
Kung tinutubuan ka ng buhok—
Ng bigote o balbas
O kung malago ang nasa binti
At nakatago sa kilikili
Walang panghuhusga sa kung ano’ng mayroon ka.

Hindi ka pipigilan
Kung ang gusto mo ay mag pantalon
O kung mas gusto mo ang palda,
Ang maluluwang na damit
O ang masisikip na nagpapakita pa lalo
Sa hubog ng iyong katawan.

Hindi nito tinutukoy
Kung ipinanganak kang may tatak ng mga kulay:
Kung dapat ay bughaw ka lang
O kung dapat ay kulay rosas ka lang.
Walang sa’yo ay maaaring tumukoy

Pagkat ikaw ay isang bahaghari.

Hindi ka lang bughaw
O kulay rosas
O puti o itim.
Hindi kailanman dapat limitahan
Ng iba o ng mismong iyong tahanan
Ang kaya mong gawin.

Isa kang bahaghari.

Puwede kang maging kahit ano
O kahit sino na iyong gustuhin.
Tinatakan ka bilang bughaw,
Pero maaari kang mamuhay at gumalaw
Sa kahit anong kulay
Na gusto mong abutin.

Advertisement. Scroll to continue reading.

Puwede kang maging kahit ano
O kahit sino na iyong gustuhin.
Tinatakan ka bilang kulay rosas,
Pero maaari kang mamuhay at gumalaw
Sa kahit anong kulay
Na gusto mong marating.

Ikaw ay isang bahaghari.
Huwag kang palilimita
Sa iisang kulay o dadalawa.
Maaari kang maging pula,
kahel, dilaw, o berde
Puwede kang maging bughaw,
Indigo o lila

Kung kulang pa para sa’yo
Ang pitong kulay sa harap mo,
Paghalu-haluin natin
Ang pula sa indigo
O ang berde sa kahel

Huwag kang palilimita
Dahil hindi iisa ang kulay
Na maaari mong pagpilian.
Kung pinagtatawanan ka ng mundo
Dahil hindi ka lang basta bughaw at kulay rosas,
Itaas mo lang ang iyong noo…

Dahil lahat ng bahaghari
Ay matatagpuan sa langit.

Written By

Advertisement
Advertisement

Like Us On Facebook

YOU MAY ALSO LIKE

NEWSMAKERS

While large language models can offer fast, on-demand support, they frequently fail to grasp the specific challenges that many members of the LGBTQ+ community...

NEWSMAKERS

The SODEX Mobile Clinic is an innovation to improve DKT Philippines Foundation's SODEX Program and its contribution to achieving the DOH 8-Point Action Agenda...

NEWSMAKERS

Disney Aguila, co-executive director of Bahaghari Center for SOGIE Research, Education and Advocacy, Inc. (Bahaghari Center), helmed a training of Hearing people who work...

NEWSMAKERS

Sexual and gender minority populations are known to experience both higher rates of incarceration and more harmful experiences while incarcerated. And yet “little is...

Advertisement