Connect with us

Hi, what are you looking for?

Literary Pieces

Babae. Lesbiyana.

“Babae po ako. Ngunit babae rin ang gusto ko. Pang-lalake man ang kilos at anyo. Sa babae pa rin naman ako nagbabanyo.”

Photo by Chris Johnson from Unsplash.com

By Chris Salvatierra

Pilit kong iniisip
Kung inisip ko at pinilit
Kung nagbago ba ang ihip
Ng hangin noong ako’y isang paslit

Ang paghanga sa kapwa babae
Ang kilos, lakad at pananalita
Na animo’y lalake
Na nagsimula noong ako’y bata

Tinanong ako kung ako ba’y humanga
Sa mga guwapo at pogi
At ang sagot ko’y oo nga
Pagtangi ay sa babae lagi

Ni minsa’y hindi kinilig
Kahit na noong panahong
Maliit pa ang mga bisig
Suot ay bestida at hindi lontang maong

Matagal na proseso
Matagal na nilihim
Hindi umasenso
Dahil sa sariling paninimdim

Hanggang ako’y namulat
At seryosong nagkagusto
At sinimulang isulat
Nilahad, ipinusta pati pamato

Wala naman kasing nagturo
Naramdaman na lang
Tapos para akong tuliro
Noong ako’y pitong taong gulang

Kaibigan ko siya
Sa ikalawang baitang
Kapag kasama’y masaya
Kapag naka-akbay ay lutang

Advertisement. Scroll to continue reading.

Marami nang napusuan
Panahon na ang lumipas
Gusto’y babae pa rin naman
Sa pagkatorpe’y walang kupas

Madalas sakin ay tinatanong
Kahit hanggang opisina
Siguro sila’y hilong talilong
Kung Ma’am o Sir ang itatawag twina

Babae po ako
Ngunit babae rin ang gusto ko
Pang-lalake man ang kilos at anyo
Sa babae pa rin naman ako nagbabanyo

Lesbiyana kung ako’y tawagin
Tomboy sa kanto namin
Ate sa kapatid ko
Tita sa mga pamangkin ko

Eto ang aking SOGIE
Lesbiyana – Sexual Orientation
Babae – Gender Identity
Butch/masculine – Gender Expression

Hindi napipilit ang puso
Kusang tumitibok sa ritmo
Hindi ito parang damit na nakiki-uso
Hindi sinisino kahit amo

Masarap sanang maging malaya magmahal
Malaya sa mga matang mapanghusga
Malimit pang nasasabihan ng hangal
Madalas pang tumanggap ng pang-aalipusta

Pantay-pantay na karapatan
Dinggin sana ang aming hiling
Hindi espesyal ang aming panawagan
Sugat ng diskriminasyo’y laging nasasaling

Lungkot ay aking ramdam
Kapag hindi niyo maintidihan
Sana hindi niyo maranasan
Ang araw-araw naming pinagdadaanan

Advertisement. Scroll to continue reading.

Kapag maganda o guwapo sa paningin
Sayang ang palaging sinasabi sa amin
Pero bakit sayang ang sasabihin?
Ano bang nasayang sa amin?

Isa po akong babae
Mahigit apat na pung taong gulang na
Mukha lang pong lalake
Isa pong lesbiyana

Written By

Advertisement
Advertisement

Like Us On Facebook

YOU MAY ALSO LIKE

#KaraniwangLGBT

This is part of #KaraniwangLGBTQIA, which Outrage Magazine officially launched on July 26, 2015 to offer vignettes of LGBT people/living, particularly in the Philippines, to give so-called “everyday...

NEWSMAKERS

While large language models can offer fast, on-demand support, they frequently fail to grasp the specific challenges that many members of the LGBTQ+ community...

NEWSMAKERS

The SODEX Mobile Clinic is an innovation to improve DKT Philippines Foundation's SODEX Program and its contribution to achieving the DOH 8-Point Action Agenda...

NEWSMAKERS

Disney Aguila, co-executive director of Bahaghari Center for SOGIE Research, Education and Advocacy, Inc. (Bahaghari Center), helmed a training of Hearing people who work...

Advertisement